احنا وهمـــــــــــــــا, كاريكاتير قديم اوى

بسم الله الرحمن الرحيم

السلام عليكم ورحمه الله وبركاته

اخوانى فى المنتدى الكريم

المره دى كلامى مفيهوش سخريه

ومش هاتكلم كتير انا المره دى جايب لكم كاريكاتير بصراحه عجبنى جدا

وشر البليه ما يضحك


عاوزكم تقولوا رأيكم فيه ايه

وياترى الكلام ده بيحصل ولا لأ

ولو بيحصل تفتكروا دا صح ولا غلط؟

طيب ولو غلط يبقى احنا بنعمل كده ليه؟!!!!!!!!!!!!!!



اتمنى انى الاقى اجابات على الاسئله دى لانها بجد والله محيرانى

ويمكن الاقى اجابه عند عضو من اخواتى الاعضاء فى المنتدى

تقبلوا خالص تحياتى


المجنون

بسم الله الرحمن الرحيم

السلام عليكم ورحمة الله وبركاته

فعلا زى ما انت قولت (( شر البلية ما يضحك )) مش متخيل انا ضحكت اد ايه على الصور ديه جدا

واللى زاد نسبة الضحك عندى ان ديه نماذج حقيقية بتفرض نفسها بقوة على حياتنا اليومية ومحدش يقدر ينكر جزأ منها

وبالنسبة للتساؤلات ...

اقتباس :

عاوزكم تقولوا رأيكم فيه ايه

وياترى الكلام ده بيحصل ولا لأ

فعلا اكيد وبنسبة 100% واللى ينكر حدوث المواقف والسناريوهات ديه يبقى سورى (( اعمى )) او بيصطنع الغباء

اقتباس :

ولو بيحصل تفتكروا دا صح ولا غلط؟

وفعلا اكيد الكلام ده كله بيفسر نفسه اوى انه غلط 100% (( يكفينى نظرة عابرة للمقارنة الجميلة بينهم وبينا وهنلاحظ الصح والغلط فين ))

اقتباس :

طيب ولو غلط يبقى احنا بنعمل كده ليه؟!!!!!!!!!!!!!!

قال رسول الله صلى الله عليه وسلم " من رأى منكم منكرا فليغيره بيده فان لم يستطع , فبلسانه , فان لم يستطع فبقلبه , وهذا اضعف الايمان " صدق الرسول الكريم

طبعا طبعا شىء معروف منذ فترة ليست بالوجيزة ان الشعب المصرى اصبح يلتزم بالكلمة الاخيرة فى الحديث فنلاقى الناس ماشية فى الشارع مش عاجبها المنظر تروح تساهم بكلمة (( ربنا يهدى , ربنا يخدهم , ايه القرف ده .......... الخ )) وديه بسميها من وجهة نظرى مسكنات اجتماعية بيستخدمها الشخص علشان يطلع من اتهام ضميره وتأنيب شخصه وخلقه السليم وينسى الموضوع برمته وساعات كمان يعمله بايده من غير ما يحس انه هو كمان محطوط داخل نفس السناريو وفى غيره بيدعى عليه او بيدعى ليه ..... سخرية اجتماعية

موضوع الاجابة اللى ممكن تلاقيها عند عضو من الاعضاء هنا (( الله اعلم هتلاقيها ولا لا )) لان الواحد مننا - بتكلم عن نفسى وبصراحة - ممكن يكون جوه احد السناريوهات السابقة دون ان يشعر لاننا اتعودنا زى ما انت قولت بدون ما نلاقى تحريم او تجريم من حد على الحركات ديه

فى سلبيات كتير جدا فى المجتمع واللى حضرتك صورت بعض منها فى شكل صور .... السلبيات ديه بتتحل باكتر من طريقة ومن اهمها البحث المستمر والدفع الدائم لهذه السلبيات واخراجها من نفوسنا اولا قبل ان نخرج غيرنا منها (( لن يغير الله ما بقوم حتى يغيروا ما بانفسهم )) وبالتالى لازم اعمل على توعية نفسى اولا باولا من منطلق انى بحاول اقوم نفسى واصلح من شأنى (( أقتضائا بالحكمة القائلة ... لا تنه عن فعل وتأتى به ... )) وبعد ما احس انى بقيت اهلا لاسداء النصح والارشاد لغيرى ابدأ بدون اى تردد بأسداء النصيحة بشكل واعى وجميل ومهذب وراقى يدل على رقى وسمو خلقى وعقلى

على فكرة موضوعك مهم جدا ومحتاج وقفات كتير جدا (( مع النفس اولا )) وان شاء الله اخى الحبيب سأحاول بعون الله ومشيئته انا وانت وباقى الاعضاء البحث الجاد عن سبل حل المشاكل ديه

بس ارجع واقول الحل اساسه فى توعية النفس اولا وتقويمها ثم النظر للاخرين

بحاول على قدر علمى وعقلى انى افيد فى موضوعك الجميل اخى الحبيب

اسف جدا على الاطالة

السلام عليكم ورحمة الله وبركاته

بسم الله الرحمن الرحيم

السلام عليكم ورحمه الله وبركاته

الاخ العزيز / the lost


انا بشكرك جدا علي التعليق الجميل علي الموضوع

وعلي الاجابات الموضوعيه جدا ((ودا طبعا اللي انا كنت منتره منك ياصاحب الفكر المميز ))

يمكن الكلام لمس بعض القصور

يبقي واجب علينا تجنبها

يمكن لمس جانب من القصور عند عضو فاضل اخر

يبقي واجبه ينتبه لهذا القصور ويعدله

وهو ده معيار كفاءه الموضوع او الرد انه يكون واقعي ويلمس كل واحد فينا


وانا اعتقد ان كلامك مثل كل واحد فينا

مع انى لسه منتظر انه حد تانى يدخل يرد على الاسئله دى

تحياتى

المجنون

فعلا هم يضحك وهم يبكى

بشكرك اخى المجنون على الكريكاتير الرائع

والمعبر جدا