مجرد كلام!!

موضوع: مجرد كلام!! 16/1/2008, 3:46 pm

احيانا الواحد بيحس بشعور بيبقى مش عارف هو حب ولا اعجاب

هو طيبة ولا عبط؟
هو ندم ولا شوق؟....

ولما بيبكي ...ببقى مش عارف هي دموع فرح ولا حزن
ولو دموع حزن.....الدموع دي ليرتاح ولا ليتنكد اكتر
. . .

الدموع احيانا بتبقى احسن صديق يسمعك
واحيانا بتبقى اسوء حد بيسمعك لانها هتزيد همومك

انا مش بآمن انه الصديق هو انسان كامل الاوصاف!!مش بالمعنى ده بس يعني انه صريح معاك او ينصحك صح اويسمعك بامانة ويبقى الكلام بس بينك وبينو..!
عارفين ليه لانه الصديق الايام دي مش صديق,ولا الاخ اخ,(ههه)ولا حتى الحبيب هو الحبيب

ممكن تقولو ايه خلى رورو تكتب الكلام ده او تفكر فيه
هقلكم رورو كتبت الكلام ده علشان تعرفوها من جواه...والاهم:اني حسيت اني محتاجة اقول الكلام ده
بس ياريت نرجع اطفال ويرجع كل العالم اطفال يعمل كل حاجة واي حاجة ببراءة..
هو صحيح انه حلو انه نعيش كل مراحل حياتنا ..(طفولة,مراهقة,سن الوعي..الشيخوخة)
بس انا بفضل مرحلة الطفولة ..وانتو رائيكم ايه؟؟!!!...

طيب يا رب ما اكون طولت عليكم
تحياتي..
سلااااام

حالــم قــــوى البلد : مصر

من هو الإنسان ..؟؟!!

وما معنى تلك الكلمة ..؟؟!!

رورو ! فعلاً أحييكي لمثل تلك الصراحة المتناهية لنعرف

شخصية إنسانة بالمعنى ذاته مثلك

بس متهيألي يا رورو

إن السؤال اللي ممكن نسأله لنفسنا

قبل مانحدد أي من المراحل لعمر الإنسان نحبها

علينا _ متهيألي يعني _

أن نسأل أنفسنا أولاً السؤال

الذي هو عنوان ردي على موضوعك الجميييل ده

وكمان متهيألي ان الواحد ممكن يختبر نفسه

ويختبر قلبه بعدة أساليب

ومنها يعرف إذا كان شعوره ذلك تجاه شخص معين

حب ولا إعجاب

ندم ولا شوق

طيبة ولا عبط ولا إييييييييييييييه بالظبط

أه على فكرة كمان

حلو أوي اللي انتي قلتيه عن الانسان القريب لما يبقى

صريح وصادق وأمين

فعلاً دي أهم الصفات

مش عارف بئة بصراحة إيه حكاية الدموووووووع دي

خاصةً بتعدد أسبابها

بس اللي أقدر أقوله إن الدموع دي

إحساس غامض يظهر في صورة دموع

كبرياءٌ يهتز بسبب تلك الدموع

آآهاتٌ تسمع بتلك الدموع

أشياء تُقتل بتلك الدموع

وأيضاً أفراح تظهر بتلك الدموع

الدموع يا رورو بجد حاجة غامضة

يطول الشرح والكلام عنها

وعلى كل

أحييكي فعلاً لموضوعاتك الرقيقة دائماً

محمد جلال *****

موضوع: رد: مجرد كلام!! 17/1/2008, 8:44 am

يااااااااه هى الدموع حاجه غامضه كده ؟؟!!

طب تعملوا ايه لواحد ولا مره عيط على حاجه Very Happy

بس طوول عمره دموعه تبقى وهو نايم
هى حاجه غريبه شويه بس صدقونى بتحصل
يا رورو والله هو لسه فى حب ولسه فى اصدقاء
بس لو لاقيتى حد منهم بمعنى كلمتهم يبقى هتلاقيه فى حياتك مره واحده بس
انا الحمد لله لاقيت الصديق ولسه محافظ عليه
لاكن الحب جه ومشى خلاص
وفعلا ياريت الواحد برجع طفل بس حتى لو رجعنا اطفال هيجى اليوم اللى هنكبر فيه
طب ليه بقى مانوجهش الواقع من دلوقتى ونتعامل معاه بعقل يكون اكبر منه ؟!!
وعلى فكره موضوعك بقدر مافيه من صدق
خلى الناس ترد وهاترد بصدق ودا دليل على وجود الصداقه والحب

موضوع: رد: مجرد كلام!! 17/1/2008, 12:03 pm

شكرا يا محمد على مرورك .
وتعلقيك الجامد وبصراحة دخل دماغي
وشكرا يا احمد على تعلقيك الجميل الي مليان فلسفة
ويا رب كل الاعضاء ترد بصدق وصراحة على كل المواضيع عامة
والموضوع ده بالذات خاصة

تحياتي
شكرا على المرور والتعليق

موضوع: رد: مجرد كلام!! 17/1/2008, 12:12 pm

على فكرة يا احمد
مفيش ولا انسان معيطش ولا لمرة وحده بحياته
الدليل انه اول ما تنزل من بطن امك بتعيط
صح
لو مش فاكر ...لما ينزل ابنك هتسمع صوته
ههههههههه
المهم ...لازم الانسان يعيط ..لو مش دايما بس لما يحتاج
ولا مرة احتجت للدموع؟؟؟ا انا تقريبا بحتاجلها كل يوم كل ليلة وكل مرة لما اوصل للمحكمة اليومية

. البلد : أم الـــدنيــــــا

الموضوع جميل جدا يا رورو
والاجمل هو التحاور الجميل اللى شايفه بينك وبين الاعضاء
وصراحتك فى التعبير عن نفسك
اما من ناحيه سؤالك الاخير فأنا بالظبط زيك
كتير اوى اتمنين انى ارجع طفل
مع انه وانا طفل اتمنيت برده كتير انى اكبر
وعلشان كده اكتشفت انه الانسان بيجرى فى دايره مغلقه
مهما عمل ومهما وصل
مش هايكون راضى
لان الرضا نعمه من ربنا
مش كل الناس انعم ربنا عليهم بيها

بشكرك مره تانيه على الموضوع
وبشكر محمد واحمد على تفاعلهم الجميل

تحياتى

osama elgazzar

» كلام في الحب..
» قالوا عن المرأة . كلام رائع